Шляхам жыцьця (1913)/II/З асенніх напеваў/У думках нявесела…

← З асенніх напеваў 5.

З асенніх напеваў 6. Верш Аўтар: Янка Купала 1913 год

Восень →

Іншыя публікацыі гэтага твора: З асенніх напеваў (Кончыцца лета гарачае…)

Прапануем да спампаваньня!

6.

Ў думах нявесела,
Сэрцэ сжымаецца;
Цёмная, золкая
Восень збліжаецца.

Небо пакрылося
Мглою, туманамі,
Галкі узносюцца
Панад курганамі.
Поле шырокае
Пусткай абселося,
Дуброва шумная
З лісьцеў раздзелася.
Імжыць сьцюдзёністы
Дождж над зямелькаю,
Сьвет пакрываючы
Жаласьцей нейкаю.
Людзі у курные
Хаткі пакрыліся,—
Радасьць мінулася,
Песьні забыліся.
Бабка старэнькая,
Зможэна мукамі,
Казкі даўнейшые
Шэпчэ з унукамі.
Віхар у коміне
Жутка заносіцца,
То якбы жаліцца,
То ў хату просіцца.
Ў думах ня-весела,
Сэрцэ зжымаецца,
Цёмная, золкая
Восень збліжаецца.

---