Z rodnaha zahonu (1931)/IV/Zimie

← U śniežni

Zimie Верш Аўтар: Андрэй Зязюля 1931 год

Pieśnia lirnika →

Іншыя публікацыі гэтага твора: Зіме (Зязюля).

Прапануем да спампаваньня!

ZIMIE.

Oj zima, naša maci,
My ciabie ŭpadabali,
I z taboj wajawaci,
Ŭžo daŭno paŭwykali.

Ty nas kwołych hartuješ,
Dadaješ nam achwoty,
Choć sama paraduješ,
Honiš nas da raboty.

Nam nia strašny twoj choład
Na maroz, na zawiei
Jość kažuch — tolki-b hoład
Nie zabiŭ-by nadziei.

Oj zima, dabradziejka!
Ty pad śnieham schawała
Chleb, kab naša siamiejka
Biez jady nie prapała.

Nie piačy-ž nas marozam:
Wostrym siewieram ściužaj,
Nie dawaj licca ślozam
Ad ciabie, pani dužaj.

My z taboj, zimka — maci,
Wiek žyli tut na świeci
I žyćcio karatali —
Chočuć hetak i dzieci.

Budź-ža zimuchna z nami;
Jak haścia častawaci
Wieraščakaj z blinami
My ciabie budziem, maci.

Kwasam, miodam napoim,
Ci kapusnym rasołam:
Prad taboju nia ŭstoim,
Dyk schinajemsia čołam.

---

---