Гэта старонка была вычытаная
ТРАХІМ
(шчапіўшыся за грудзі з Максімам)
Крані хоць пальцам, дык з зямлёю зьмяшаю!
МАКСІМ
Хоць толькі замахніся, дык на блін зьляплю!
ПАЛАНЕЯ
(схапіўшы мешалку і замахваючыся на Трахіма)
Гэта ты, кум, усяму прычынай!
ДАМІЦЭЛЯ
(таксама замахваючыся на Максіма)
Гэта ты, кум, нарабіў гэтакай калатухі!
МАЦЕЙКА
(адцягваючы Даміцэлю)
Цётка! Ня бі майго тату!
КАЦЯРЫНКА
(адцягваючы Паланею)
Цётка! Не чапай таты!
ПАЛАНЕЯ І ДАМІЦЭЛЯ
(у вадзін голас)
Гвалт! Ратуйце! Забіваюць!
ЗЬЯВА VІІІ
ТЫЯ-Ж — ВУРАДНІК — СОЦКІ. ПАСЬЛЯ СЯЛЯНЕ — СЯЛЯНКІ
СОЦКІ
Гэта што за разбой сярод белага дня, ды яшчэ ў сьвята.
УСЕ
(кінуўшы калатню, бабы толькі трымаюць мешалкі, як посах)
Мы нічога! Мы так сабе!..
ВУРАДНІК
А гвалт гэты хто спраўляў? А мешалкі гэтыя нашто ў руках?
