Хрэстаматыя новай беларускай літэратуры (1927)/III/Б/Зьмітрок Бядуля/З ранейшых вершаў/Прыйдзеце
| ← Вавілон | Прыйдзеце Верш Аўтар: Змітрок Бядуля 1927 год |
Волат → |
| Іншыя публікацыі гэтага твора: Прыйдзеце. |
Прапануем да спампаваньня!
Прыйдзеце вы, добрыя... Вечна кахаючы,
Шчасьце вы сьвету даруйце!
І гора-нуду і пракляцьці ахвяраю
Вашай руйнуйце!...
Прыйдзеце вы, сьветлыя... Днём сямісонечным
Наша жыцьцё атуляйце!
І цені магільныя з ночнай паганшчынай
Ветрам пускайце!..
Прыйдзеце вы, шчырыя, сэрцам адкрытыя...
Праўда хай служыць вам мэтай!
І гніль фарысеяў[1] і хітрасьць распусьнікаў
Счэзнуць са сьвету!..
Прыйдзеце вы, моцныя 2), бурамі званыя!..
Ворагам гібель грымеце!
І з нашай дарогі зыйдуць злыя шкоднікі...
Хутка прыйдзеце !!
- ↑ а) Кніжнікі, вучоныя багасловы ў старой Юдзі. У хрысьціян слова гэтае сталася адзнакай людзей няшчырых, якія гавораць адно, а робяць другое.