ПАЎЛІНКА
(баронячыся)
Ну, ну пятушок! Не гарачыся; пасьпееш з козамі на торг. (Выпіхаючы ЯКІМА з хаты). Марш дадому! Раз, два, тры!..
ЯКІМ
(у дзьверах)
Помні, Паўлінка — заўтра!.. (Выходзіць).
ЗЬЯВА III
ПАУЛІНКА (адна)
ПАЎЛІНКА
А што, смачна? цёпленька?.. Га?.. Каля самага сэрцайка дзявочага… Пэўне чуеш, як яно, бедненькае, трапечацца. Выгадна табе тут, як нідзе, нікому!.. Але не, не! Гэтак не выпадае. Яшчэ трохі порана… Пасьлязаўтра — іншая рэч. А цяпер… (Ідзе к абразу). Пасядзі лепш, саколік, за абразікам. Седзячы гэтак у бога за плячыма, меней будзеш мець грэшных думак у галаве, чымся песьцячыся тут (паказвае) у маладой дзяўчыны.
Дый чым-жа твая, дзеванька, |
ЗЬЯВА IV
ПАЎЛІНКА — СЬЦЯПАН — АЛЬЖБЕТА
СЬЦЯПАН
Дзе мы едзем, дзе мы йдзём, — |