Гэта старонка была вычытаная
Малодачкі, малодачкі,
Мае маладыя!
(Скача)
Каго люблю, каго люблю,
Таго пацалую,
Пухавую падушачку
Таму падарую!
Як прыехаў, як прыехаў
Мой міленькі позна,
Параскідаў, параскідаў
Падушачкі розна.
Як прыехаў, як прыехаў
Мой міленькі з места,
Паскладаў ён, паскладаў ён
Падушачкі ў месца.
(Чуваць ігру на скрыпцы. Кацярынка прыслухаўшыся)
На вуліцы скрыпка йграе,
Мяне-ж маці ня пускае;
Пусьці, маці, пагуляці,
Калі хочаш меці зяця!
(Ідзе к дзьвярам)
Нашто тое а, бэ, цэ,
Нашто тое слова, —
Калі мілы пацалуе,
То і я гатова.
|}
ЗЬЯВА V
КАЦЯРЫНКА — МАЦЕЙКА
КАЦЯРЫНКА
(адскочыўшы ад дзьвярэй)
Гэта ты, Мацейка?!
МАЦЕЙКА
(са скрыпкай)
Гэта я, Кацярынка!
