Старонка:Huślar (1910).pdf/13

Skiba ŭ skibu, honi ŭ honi
Wyścielem na dziwa;
Laże ziernie, ŭzojdzie kolas,
Uzrastaj ščaśliwa!

Za płuhami za swajimi
Na prastory Bożym
Čystym sercem, wolnaj dumkaj
Pieśniu-kazku złożym.

Pojdzie pławam pieśnia-kazka
Ŭ świet ab našaj sławie,
Dziwu dasca świet wialiki
Hetakaj prajawie.

Chaj świet znaje, što patrapie
Biez čużych prymusaŭ
Biełarusa praca, siła,
Serce biełarusa.

|}

---

Huśli samahraji.

Jak zajhrali, zahudzieli
Huśli samahraji,
Paniaślisia, palacieli
Pieśni pa usim kraju.

Ad palany da palany,
Ad bora da bora,
Plywie hołas nie ŭnimany,
Jak-by fali mora.

Ab wialikaj ab staronce,
Biełarusi-maci,
Żalba strašnaja biazkonca
Ŭsio čuwać-čuwaci.

Jak dušy tajej pakutnaj
S pad mahilnaj plity
Homan wieča ŭ huślach čutny,
Čutny zwon raźbity;

Choć raźbity, choć zabyty,
Dla ŭsich zrazumieły,