Старонка:Huślar (1910).pdf/44

Zabiŭ jastreb hałubku,
Z hniazdom wiecier źmioŭ łubku;
Adbiŭ niedruh dziaŭčynu,
Ahoń źniščyŭ chacinu.

Najšoŭ hołub druhuju
Ŭżo hałubku, za tuju;
Dziaciuk płače pa zhubie,
Druhoj tak nie palubie.

Hołub znoŭ hniazdo ładzie,
Swajmu horu jon radzie;
Chłopca wabie mahiła,
Chatki stawić nia siła.

|}

---

Pieśnia.

Pa zimowaj pa darożce
Mużyčok brydzie;
Duch zajmajecca ad wietru,
Śniech badzie, badzie.

Ej, nia honie ščasnych dola
Z pad chatniaj strachi
Na takuju niepahodu,
Na choład taki!

Doł kapaci na mahiłki
Biedačok śpiašyć:
Doma strašnuju mieŭ hościu, —
Niaboščyk lazyć.

Kala biełaj damawiny
Apošniuju daŭ
Dzietki daruć i hałosiuć:
«Mama, mama, ŭstań!»

Piać jich biednych małaletak,
Siracinak, piać;
Chto-ż zamienie jim matulu?
Chto budzie chawać?